Enkuesta Nashonal di Salubridat Kòrsou t'ei start

Komunikado di prensa 11 yaari 2013

Volksgezondheid Instituut Curaçao (VIC) ta kuminsá djasabra 12 di yanüari próksimo ku un investigashon na gran eskala riba salubridat di e komunidat di Kòrsou. 

E investigashon ta konsistí di entrevista di 3000 persona di 18 aña i mas grandi. E enkuestadónan ta hende di CBS. E enkuestadónan, ku lo identifiká nan mes pa medio di un 'badge' di CBS, ta kuminsá di 12 yanüari te ku 1 di mart 2013 pa bishitá adrèsnan selektá i por pasa kada momentu di dia.

Ta entrevistá suidadano roba kehonan di kurpa ku e tin, kustumbernan di kome, uso i eksperensia di sektor di kuido. Banda di esaki e partisipantenan ta haña mas despues e posibilidat pa partisipá na un midimentu físiko grátis. E midimentu aki ta keda ehersé dor di fakultat médiko di St. Martinus Universiteit, i ta konsistí di entre otro di kue preshon di kurpa, largura i peso di kurpa (Body mass index, BMI). 

Meta di e investigashon ta pa haña datos riba salú i uso di kuido di e komunidat di Kòrsou. 

Ku e datosnan aki lo pone prioridat den maneho di kuido di Kòrsou. Despues gobiernù, huntu ku e vèlt di kuido, lo start ku akshonnan konkreto pa mehorá salú i bienestar di e komunidat. Ta p'esei ta di gran importansia ku personanan, ku keda aserká dor di enkuestadónan pa e investigashon aki, pa hasié enbèrdat. 

A selektá 3000 adrès/ Na kada adrès solamente un persona ku tin 18 aña òf mas bieu lo partisipá den e entrevista. Ta hasi e persona aki pregunta riba su salú. Despues si entrevista e persona ta pidié pa partisipá den e midimentu físiko ku ta tuma lugá na VIC den Otrobanda. E resultadonan di e midimentu físiko e ta haña bai kuné dirèkt. 

E rapòrt ku e resultadonan di e investigashon lo keda publiká den e di dos kuartal. Por haña e rapòrt via di e Internet di VIC: www.vic.cw. For di rapòrt no por saka afó ken t'esnan ku a partisipá den e enkuesta.