Leefstijltest

Manera bo sa: biba salú ta hopi importante. Esei tur hende ta tende esei. Pero kon bo ta bezig ku esei? Por ta bo ta hasiendo bo esfuerso sufisiente kaba? Kontrolá aki bou kon bon bo ta ku e ehersisionan pabo salu.

Hasi e tèst di 'lifestyle' i wak kon salú bo ta biba i e ora ei bo ta haña un resultado kaminda ta indiká kon salu bo ta. Por ehèmpel ki ta e rísikonan di malesanan ku bo por haña i ki lo por hasi.

Ta preguntanan ku kosnan ku bo ta bezig kuné diariamente. Bo ta keda salú i sinti bo mes mas miho!

1/18
Bo preshon ta...
Nos rekomendashon

Un preshon di sanger normal ta importante pa un bon sirkulashon di sanger den e órganonan i tehido (weefsel). Tene kuenta ku un preshon di sanger muchu ariba òf abou por kousa diferente problema di salu.

Nos rekomendashonnan pa tin un preshon di sanger normal ta: kome ménos salu, si bo ta huma – purba stòp òf redusié, bebe ménos alkohòl, sòru pa bo peso ta saludabel, kome salu i sòru pa move regularmente.

 

Próksimo
2/18
Bo tin doló na bo rudia óf hep?
Nos rekomendashon

Doló na bo rudia óf hep por wòrdu kousa dor di sobrepeso òf defisiensia di kalsio òf vitamina D. Kome varia i saludabel i sòru ku bo tin òf haña un peso saludabel.

 

Próksimo
3/18
Despues di un aktividat fisiko trankil, manera subimentu di trapi, bo ta sinti...
Nos rekomendashon

Si bo ta kansa i bo no tin rosea despues di un aktividat físiko trankil, ta tempu pa bo ta den kondishon atrobe – hasi deporte!

 

Próksimo
4/18
Bo tin aktividat fisiko durante di bo trabou diario?
Nos rekomendashon

Un trabou den kual bo mester keda den e mes un posishon státiko durante hopi ora pa dia – manera trabou di kòmpiuter – por kousa keho di salú.

Próksimo
5/18
Kuantu ora pa siman bo ta hasi aktividat fisiko of deporte?
Nos rekomendashon

Nos ta rekomendábu pa move mitar te ku un ora pa dia. Si bo multipliká esei ku 7 dia bo ta move 3,5 te ku 7 ora pa siman. Purba hasi aktividat físiko òf deporte un patronchi diario i bo lo sinti bo mes mas saludabel lihé.

Ta konosí ku hende ku ta move regularmente ta sinti na mes mas aktivo, saludabel i felis ku hende ku no ta hasi esei.

 

Próksimo
6/18
Bo ta gusta di ta den un ambiente natural pafo di kas?
Nos rekomendashon

Di kon e ta bon pa sali afó? Aki tin 3 motibu: e ta inspirábu pa ta aktivo físikamente, den un ambiente natural bo por sosegá bo mente i bo ta haña energia. E di kuater motibu ta ku bo kurpa ta traha vitamina D dor di solo, ku ta bon pa bo sistema imun, e ta sòru pa bo tin wesu i djente fuerte i pa bo múskulonan keda funshoná bon. Naturalmente sòru si pa protehá bo mes kontra di solo fuerte dor di usa krem kontra di kima di solo i di buska lugá ku tin sombra.

 

Próksimo
7/18
Bo a yega di salta deporte pasobra bo na por a motiva bo mes pa hasié?
Nos rekomendashon

Semper krea ophetivonan realístiko pa bo mes i bisa otronan kiko nan ta. Na e manera aki bo tin mas chèns ku bo ta laga bo banki konfortabel i traha riba bo salu!

Próksimo
8/18
Kuantu biaha pa dia bo sa kome?
Nos rekomendashon

Nos ta rekomendábu pa kome mas ku 3 biaha pa dia. Si bo kome kantidatnan di kuminda chikí mas ku tres biaha pa dia, bo lo sinti ménos hamber i bo lo prevení ku bo kurpa ta kambia kaloria èkstra den vèt. Bo metabolismo tambe lo traha mas lihé si bo kome algu kada 3 òf 4 ora. Pues kome libramente un snack saludabel, manera apel òf yoghurt entre bo komidanan.

Próksimo
9/18
Kuantu biaha bo ta kome junk food?
Nos rekomendashon

Junk food ta konsistí di hopi vèt, zeta, salu i suku. Maske e ta barata i hopi dushi, e no tin e nutrishon ku bo kurpa tin mester pa sigui funshoná bon. Ta p’esei kome ménos junk food ta un di e faktornan mas importante pa baha peso i hiba un stail di bida saludabel. Bo sa tambe ku junk food ta sòru pa bo tin ménos konsentrashon i energia?

 

Próksimo
10/18
Kuantu biaha bo ta kome produkto volkoren of ku multiple grano?
Nos rekomendashon

Si bo kome produkto volkoren i ku múltiple grano, bo ta baha bo kolesteròl i konsekuentemente bo tin ménos chèns pa haña malesa di kurason. Ademas, hopi grano den e produktonan aki ta mehorá digestion. Ora bo remplasá pan blanku, reis i pasta ku un variante ku grano e lo tin efektonan mas positivo i lo yuda bo pèrdè algun pònt di peso.

 

Próksimo
11/18
Kiko bo sa kome pa desayuno?
Nos rekomendashon

Hende ku ta desayuná ta haña mas vitamina i mineral i ménos vèt i kolesteròl den nan kurpa. E resultado ta un kurpa mas delegá i kolesteròl mas abou. Ta rekomendabel pa skohe produktonan simpel i saludabel pa bo desayuno, manera pan volkoren, grano di desayuno múltiple ku tiki suku, yoghurt natural, fruta i webu herebé.

 

Próksimo
12/18
Kuantu ora bo ta wak televishon?
Nos rekomendashon

Maske e ta mustra manera bo ta relahá ora bo ta wak televishon, e aktividat aki ta eksitá i kansa bo mente. Bo lo relahá mas ora bo kana un ratu pafó. Esaki ta bon pa bo metabolismo i peso tambe!

 

Próksimo
13/18
Kuantu alkohol bo ta bebe?
Nos rekomendashon

Bebementu di kantidat haltu di alkohòl – un biaha pa siman hopi òf tur dia un par di glas – ta relatá na un rísiko grandi pa alkoholismo, malesa di higra i kanser. Pues purba moderá ku alkohòl i bebe awa entretantu. Ora bo ta lanta ku doló di kabes despues di a bebe alkohòl, bo kurpa lo a haña daño di dje i e mester rekuperá.

Próksimo
14/18
Kuantu bo ta huma?
Nos rekomendashon

Hopi estudio médiko a proba ku humamentu di tabak ta e kousa mayó di malesa manera kanser na pulmon, atake di kurashon i impotensia. Fertilidat di hende hòmber i muhé ta baha ora nan huma. Pues ta kla ku ménos bo huma, mas mihó e ta ba bo salu!

 

Próksimo
15/18
Kuantu biaha bo ta sinti stress?
Nos rekomendashon

Ora bo ta eksperenshá stress durante un situashon ku hopi esfuerso, manera un suseso ferfelu òf un deadline hopi serka, bo ta sinti un kos normal. Stress por kousa òf intensifiká keho físiko manera, doló di kabes, doló di barika, insomnio, kansansio króniko. Ta p’esei e ta importante pa bo redusí e nivel di stress ku aktividat relahante manera, pasa tempu ku bo famia i amigunan, praktiká bo hòbinan i aktividat leve manera, kana óf landa.

 

Próksimo
16/18
Kuantu biaha bo ta bira malu?
Nos rekomendashon

Si bo ta bira malu hopi biaha esei ta un indikashon ku bo sistema di imunidat no ta traha bon. Un stail di bida salú ta prevení malesa. 6 teps pa un bida salu ta:

  • Sòru pa drumi sufisiente ora
  • Kome hopi berdura, fruta i kuminda ku hopi eiwit i tiki vèt – manera webu herebé, tuna, filet di galiña (sin kueru) i yoghurt sin vèt.
  • Kome ménos suku posibel – manera den te/kòfi, refresku, djus, kuki i mangel.
  • Bebe sufisiente awa
  • Konsumí sufisiente vitamina i mineral - posiblemente un pil multivitamina
  • Laba bo man regularmente i sigur promé ku kome.

 

Próksimo
17/18
Kuantu awa bo ta bebe den dia?
Nos rekomendashon

Den temperatura tropikal manera esun na Korsou bo por deshidratá lihé. Asta deshidratashon leve por kousa doló di kabes, problema ku konsentrashon, biramentu di kabes i energia redusí. Nos ta rekomendábo pa bebe por lo ménos 2 liter di awa pa dia, maske bo no tin set. Prinsipalmente, hende di edat su reflèks di set no ta traha bon i konsekuentemente nan ta deshidratá sin sinti set.

Si bo ta duda si bo ta bebe sufisiente, paga tin na e urina. Si su kolo ta skur, bo no ta bebe sufisiente!

 

Próksimo
18/18
Mi ta bebe...
Nos rekomendashon

Bo sa ku un bleki kola tin 10 blòki di suku? Un bòter di awa di vitamina di 500 ml tin 8 blòki, i un bòter limonada di 500 ml na averahe no ménos ku 13 blòki! Asina bo ta konsumí hopi suku sin ripará.

Ora bo kome of bebe hopi suku bo kurpa ta bira ménos sensibel pa insulina i konsekuentemente bo por desaroyá malesa di suku. Suku ta produsí hopi kaloria, dor di esaki bo ta bira mas gordo i kore e riesgo di haña problema di salu. Pues ta mas mihó di bebe awa ora bo tin set.

 

Próksimo