Banko di dato di salubridat

Un kondishon esensial pa ehekutá maneho riba e tereno di salubridat públiko ta enserá ku e maneho aki mester ta abase riba hechonan real, pa por hasi esakinan un Pais mester ta disponé di indikadónan aktual i kompleto riba tereno di salubridat públiko, ku ta duna un mihó bista di e salubridat públiko di bo Pais.

Ku yudansa di e informashonnan aki tin un bista konkreto ki efekto e maneho di salubridat tin. Tambe nan por duna un bista ku si mester duna atenshon riba otro áreanan nobo den salubridat of si mester bini ku medidanan nobo.

Vic a traha un lista di 90 indikadó di salubridat ku ta hasi posibel pa monitor e kalidat di kuido i salu na Kòrsou i kompará riba e tereno internashonal tambe. Informashonnan di e 57 indikadónan ta disponibel dor di investigashonnan hasi pa VIC, manera enkuesta nashonal di salu i tambe indikadó di kuido.
Informashon tokante di e otro indikadónan ta bini di otro fuentenan manera SVB, institutonan di salubridat,, kompanianan di seguro, CBS i instansianan di salubridat di e ministerio di GMN.

VIC den notisia, Antiliaans Dagblad di 31 mei 2014: Gezondheidsdatabank Curaçao. E artíkulo ta disponibel akinan.