search
close
Na 2017, tabatin 1.548 yu ku a nase bibu na Kòrsou: 793 mucha hòmber i 755 mucha muhé (CBS Fertility). Den e promé aña despues di nan nasementu, 16 di e yunan akí a muri. Esei ta 10,3 pa kada 1.000 yu ku a nase bibu (mortalidat infantil). Di eseinan, 13 a muri den e promé 28 dianan despues di nan nasementu (mortalidat neonatal, 8,4 pa kada 1.000 yu ku a nase bibu).
E sifra di mortalidat registrá na Kòrsou ta fluktua atraves di añanan debí ku e kantidat di nasementu i morto ta relativamente abou. Di 1998 te ku 2017, mortalidat infantil a varia entre 11 (na 1999, 5,1 pa kada 1.000 yu ku a nase bibu) i 29 (na 2006, 15,5 pa kada 1.000 yu ku a nase bibu) kaso pa aña. E promedio di mortalidat infantil pa e periodo di 1998-2017 ta 9,5 pa kada 1,000 yu ku a nase bibu.
Gráfiko: Morto di yu na Kòrsou, pa kada 1.000 yu ku a nase bibu, periodo di 1998-2017
Fuente: Centraal bureau voor de statistiek
Tin faktor ku ta oumentá e chèns di morto poko promé òf despues di nasementu. Algun di e faktornan akí tin di aber ku e mama i otro tin di aber ku e yu. Algun di e faktornan di riesgo akí, manera sobrepeso i preshon haltu, ta masha frekuente serka hende muhé na Kòrsou ku por bira mama. (Verstraeten et al., 2013). Den e último sinku añanan, edat promedio di mama a keda stabil na mas o ménos 28 pa 29 aña.
Edat haltu (40+) ta otro faktor di riesgo pa morto poko promé òf despues di nasementu. E porsentahe di mama den e kategoria ei tambe a keda basta stabil. E ta varia entre 3% (na 2017) i 5% (na 2013) (CBS, 2018). Algun otro faktor di riesgo, manera uso diario di tabako i uso di mas di alkohòl, no ta masha frekuente serka hende muhé na Kòrsou. Nan prevalensia ta 7% i 1% respektivamente (Verstraeten et al.,2013).
Den e periodo di 2005-2007 (e datonan mas resien disponibel), mayoria di morto di bebi tabata debí na problema di salú ku a desaroyá den e periodo perinatal (39%), entre otro, nasementu promé ku ora i peso abou. Ademas, defekto di nasementu (19%), problema respiratorio manera falta di oksígeno (hipoxia) durante nasementu (10%), kousa i komplikashon ku tin di aber ku e mama durante embaraso (8%) i 'wiegendood' (5%) tambe ta algun kousa di morto importante serka yu di 0 aña di edat.
Tabèl: E sinku kousanan prinsipal di morto serka yu di 0 aña den e periodo di 2005-2007
|
|
Kousa di morto na 0 aña di edat
|
| 1
|
Problema di salú ku a desaroyá den e periodo rònt di nasementu
|
| 2
|
Defekto nasé kuné
|
| 3
|
Problema respiratorio ku a desaroyá durante nasementu
|
| 4
|
Kousa i komplikashon ku tin di aber ku e mama durante embaraso
|
| 5
|
Wiegendood
|
Fuente: Paho Mortality database
| Indikadó
|
Definishon
|
| Mortalidat neonatal
|
Kantidat di yu ku a muri denter di kuater siman despues di parto, pa kada 1.000 yu ku a nase bibu den un aña
|
| Mortalidat infantil
|
Kantidat di yu ku a muri den nan promé aña di bida, pa kada 1.000 yu ku a nase bibu den un aña
|
CBS Statistik di Kousa di Morto. Ora un yu nase morto despues di 24 siman òf mas di embaraso, mester mèldu esei na Kranshi (Publieke Zaken). Ora un yu nase bibu, si sea e tata òf mama ta inskribí na Registro Sivil, den tur kaso mester òp e na Kranshi (Publieke Zaken). Asina, e yu ta bai den e Registro Básiko di Persona.
Statistik di kousa di morto: E datonan di kousa di morto na Kòrsou ta basá riba deklarashon di kousa di morto ku dòkter, médiko forense òf spesialista ta saka. Ta kodifiká e kousanan di morto a base di un lista di kódigo ku ta ser usá internashonalmente, e asina yamá International Statistical Classification of Diseases and Related Health Problems (ICD) di Organisashon Internashonal di Salú (WHO). For di 1996, a bin ta traha ku e di 10 revishon di ICD (ICD-10, WHO).
Centraal Bureau voor de statistiek (2009). Babysterfte hoogst bij niet-westerse allochtonen van de eerste generatie. Verkrijgbaar via https://www.cbs.nl/nl-nl/nieuws/2009/47/babysterfte-hoogst-bij-niet-westerse-allochtonen-van-de-eerste-generatie
Centraal Bureau voor de statistiek (2018). Data on infant and neonatal mortality, 1998-2017.
Centraal Bureau voor de statistiek (2018). Data on fertility 1998 – 2017.
PAHO (2018). Sterftecijfers. Dataset verkrijgbaar via PAHO mortality database: https://hiss.paho.org/pahosys/grp.php
Schutte, J. M., Steegers, E. A. P., Schuitemaker, N. W. E., Santema, J. G., de Boer, K., Pel, M., ... & van Roosmalen, J. (2010). Rise in maternal mortality in the Netherlands. BJOG: An International Journal of Obstetrics & Gynaecology, 117(4), 399-406
Ravelli, A. C. J., Eskes, M., Tromp, M., van Huis, A. M., Steegers, E. A. P., Tamminga, P., & Bonsel, G. J. (2008). Perinatale sterfte in Nederland gedurende 2000-2006; risicofactoren en risicoselectie. Nederlands Tijdschrift voor Geneeskunde, 152(50), 2728.
Verstraeten, S., Jansen, I., Pin, R., & Brouwer, W. (2013). De Nationale Gezondheidsenquête 2013: methodologie en belangrijkste resultaten. Willemstad. Volksgezondheid Instituut Curaçao, 2013
Van der Wal, M. F., De Jonge, G. A., & Pauw-Plomp, H. (1999). Etnische afkomst en voor wiegendood relevante verzorgingsfactoren. Nederlands tijdschrift voor geneeskunde, 143(43), 2141-2146.