Ambiente di biba

E tipo di molester den ambiente di biba ku hende ta menshoná mas tantu ta sangura

E tipo di molester den ambiente di biba ku hende ta menshoná mas tantu ta sangura: Na 2017, 90% di adulto a bisa ku nan ta un tiki òf hopi eksponé na molèster di sangura. Na 2013 e porsentahe tabata 87%. Kompará ku 2013, e lista di kousante di molèster den ambiente di biba, di mas grave pa ménos grave, a keda meskos. Molèster di djaka i raton a ser menshoná ku ménos frekuensia na 2017 (33%) kompará ku 2013 (45%). Holó malu di área industrial di Schottegat (Isla) òf otro fuentenan industrial a ser menshoná ku mas frekuensia na 2017 (22%), kompará ku 2013 (14%).

A topa algun diferensia chikitu entre hende hòmber i muhé, i entre e diferente gruponan di edat, pa loke ta molèster den ambiente di biba.

Gráfiko: porsentahe di adulto, pa kada tipo di molèster ku nan tabata eksponé na dje den nan ambiente di biba den e 12 lunanan promé ku e entrevista, 2013-2017

Fuente: Enkuesta Nashonal di Salú 2017 - 2013

Adulto ku tin difikultat pa kubri nan gastunan tin mas tantu molèster den nan ambiente di biba

Hende ku un nivel di enseñansa abou ta esnan ku tin mas molèster di djaka, raton, sushi i kos bieu tirá den nan ambiente di biba. Hende ku nivel di enseñansa haltu ta esnan ku tin mas tantu molèster di zonido, krímen, manera kiebro, i kontaminashon di aire i holó malu kousá pa operashon industrial. Pa loke ta trata molèster di sangura, a topa algun diferensia chikitu entre e gruponan di nivel di enseñansa i kapasidat pa kubri gastu. Hende na Kòrsou ku tin hopi difikultat pa kubri nan gastunan ku e entrada di famia ta esnan ku tin mas tantu di tur tipo di molèster den nan ambiente di biba.

Downloads

Refrences

Definishon

Un hende su ambiente di biba ta hunga un papel importante den su salú i sentido di bienestar. Un ambiente di biba salú ta promové komportashon salú, tin ménos efekto negativo posibel riba salú i ta kontribuí na e sentido di bienestar di e habitantenan. E siguiente tiponan di molèster den hende su ambiente di biba ta kontribuí na malesa i tin un efekto negativo riba nan sentido di bienestar. Por ehèmpel, sangura manera Aedes, spesialmente Aedes aegypti (di ‘gelekoorts’) i e sangura asiátiko Aedes albopictus ta transmití enfermedat manera dengue, chikungunya i zika (RIVM, 2017). Eksposishon largu (luna largu te aña largu) na aire kontaminá por redusí largura di un hende su bida (Pope et al., 2009).  Ademas, molèster di zonido tin un efekto negativo riba hende su prestashon pa siña i ta oumentá riesgo di enfermedat kardiovaskular (WHO, 2011). Finalmente tin ku menshoná ku ora un hende eksperensiá un delito, por ehèmpel un kiebro, esei por tin hopi efekto riba su bienestar sikológiko (Morrall et al., 2010).

Método

ENS Kòrsou: Enkuesta Nashonal di Salú (ENS) ta un enkuesta representativo di e poblashon adulto di 18 aña p’ariba ku ta biba riba nan mes. Meta di ENS ta di duna un bista aktualisá di situashon di salú i estilo di bida di poblashon adulto na Kòrsou, i tokante kon nan ta usa e servisionan di kuido. For di 2013, Volksgezondheid Instituut Curaçao (VIC) ta tene un ENS kada kuater aña.

Fuente

GGD Amsterdam (2015). Meetresultaten Luchtkwaliteit Curaçao 2014 [Internet]. Available from: http://www.luchtmetingencuracao.org/static_html/media/15-1133 Luchtkwaliteit Curacao 2014.pdf

GGD Amsterdam (2017). Meetresultaten Luchtkwaliteit Curacao, 2016.

TNO (2015). Bepaling van de elementsamenstelling van een groene aanslag aanwezig op een vijftal locaties op Curaçao met behulp van elektronenmicroscopie en Röntgen microanalyse [Internet]. Available from: http://www.stichtingsmoc.nl/uploads/TNOgroeneaanslag17augustus2015.pdf

Morrall P, Marshall P, Pattison S, Macdonald G. (2010). Crime and health: a preliminary study into the effects of crime on the mental health of UK university students. J Psychiatr Ment Health Nurs. Vol. 17, Issue 9, pp 821-828.

Pope, C.A., Ezatti, M., & Dockery, D.W. (2009). Fine-particular air pollution and life expectancy in the United States. New England Journal of Medicine, Vol. 360, pp. 376-386.

RIVM (2017). Muggen. Geraadpleegd via http://www.rivm.nl/Onderwerpen/M/Muggen

Verstraeten S., Jansen I., Pin R. & Brouwer W. (2013). De nationale gezondheidsenquête Curaçao 2013: methodologie en belangrijkste resultaten. Volksgezondheid Instituut Curaçao, Willemstad.

Verstraeten S., Griffith, M.F.H, & Pin R. (2017). De nationale gezondheidsenquête Curaçao 2017: de belangrijkste resultaten, methode en tabellen, Volksgezondheid Instituut Curaçao, Willemstad.

World Health Organization (WHO) (2011). Regional Office for Europe/ European Commission.