search
close
Pa loke ta trata frekuensia di atake serebral i konsekuensia króniko di atake serebral, tin diferensia chikitu entre e diferente regionnan di Kòrsou. E porsentahe di adulto ku a bisa ku nan a haña un atake serebral ta mas haltu (2%) na Bándariba.
Tabèl: Porsentahe di adulto ku atake serebral pa kada region na 2017
| Total pa Kòrsou
|
1%
|
| Bándabou
|
1%
|
| Parti ost di Willemstad
|
1%
|
| Parti wèst di Willemstad
|
1%
|
| Bándariba
|
2%
|
|
|
|
Fuente: Enkuesta Nashonal di Salú 2017
Kompará ku e otro paisnan di Karibe, e kantidat di persona di 0 te ku 74 aña ku ta muri komo konsekuensia di atake serebral ta relativamente abou. Ta konsiderá ku serka hende bou di 75 aña, morto komo konsekuensia di atake serebral ta algu ku ta posibel prevení. Ta papia di un morto ku por a prevení ora un hende fayesé komo konsekuensia di un enfermedat ku por a ser tratá òf prevení usando e konosementu médiko i sientífiko disponibel na e momento ei.
Gráfiko: Morto komo konsekuensia di atake serebral ku por a prevení, internashonalmente, rònt di 2010
Fuente: Statistik di kousa di morto, ICD10-code I60-I69, sifra pa Kòrsou, di 2005-2007
Atake serebral ta un sangramentu òf un infarto di serebro. Atake serebral i enfermedat/aksidente serebrobaskular (CVA) ta nòmber ku ta referí na diferente konhunto di síntoma ku ta presentá ora tin un interupshon di suministro di sanger den serebro. E enfermedatnan spesífiko mas frekuente ta infarto serebral i sangramentu serebral. Un infarto serebral ta sosodé ora un baso di sanger sera. Un sangramentu serebral òf suparaknoidal ta sosodé ora un baso di sanger rementá (Volksgezondheidenzorg.info, 2017).
CHS: Curaçao Health Study (CHS) ta un enkuesta di poblashon ku a tuma lugá na 1993 – 1994 bou di poblashon adulto di 18 aña p’ariba na Kòrsou. E enkuesta akí a suministrá un gran kantidat di dato konfiabel tokante salú, i komportashon relashoná ku salú, di poblashon di Kòrsou.
ENS Kòrsou: Enkuesta Nashonal di Salú (ENS) ta un enkuesta representativo di e poblashon adulto di 18 aña p’ariba ku ta biba riba nan mes. Meta di ENS ta di duna un bista aktualisá di situashon di salú i estilo di bida di poblashon adulto na Kòrsou, i tokante kon nan ta usa e servisionan di kuido. For di 2013, Volksgezondheid Instituut Curaçao (VIC) ta tene un ENS kada kuater aña.
Senso: Un senso ta duna un bista di e sirkunstansianan di bida di poblashon na un momento spesífiko. Bo por kompará e resultadonan ku resultado di otro konteo anterior pa haña un bista kon sierto asuntu a desaroyá den pasado, i pa asina por antisipá desaroyo den futuro. A yega di tene sinku senso na Kòrsou: na 1972, 1992, 2001 i 2011.
Statistik di kousa di morto: E datonan di kousa di morto na Kòrsou ta basá riba deklarashon di kousa di morto ku dòkter, médiko forense òf spesialista ta saka. Ta kodifiká e kousanan di morto a base di un lista di kódigo ku ta ser usá internashonalmente, e asina yamá International Statistical Classification of Diseases and Related Health Problems (ICD) di Organisashon Internashonal di Salú (WHO). For di 1996, a bin ta traha ku e di 10 revishon di ICD (ICD-10, WHO).
Alberts, J. F., Gerstenbluth, I., Halabi, Y. T. & O'Neil, J. (1996). The Curaçao Health study. Northern Centre for Healthcare Research.
Centraal Bureau voor de Statistiek (2011). Gezondheid en beperkingen in Curaçao. Willemstad, Centraal Bureau voor de Statistiek.
PAHO (2018). Sterftecijfers Curaçao 2001-2007. Konsultá via PAHO mortality database: https://hiss.paho.org/pahosys/grp.php
Verstraeten S., Jansen I., Pin R. & Brouwer W. (2013). De nationale gezondheidsenquête Curaçao 2013: methodologie en belangrijkste resultaten. Volksgezondheid Instituut Curaçao, Willemstad.
Verstraeten S., Griffith- Lendering, M.F.H, & Pin R. (2017). De nationale gezondheidsenquête Curaçao 2017: de belangrijkste resultaten, methode en tabellen, Volksgezondheid Instituut Curaçao, Willemstad.
Volksgezondheidenzorg.info (2017). Konsultá via https://www.volksgezondheidenzorg.info/onderwerp/beroerte/cijfers-context/huidige-situatie#definities RIVM: Bilthoven, 7 januari 2018.