Deporte i moveshon

Ménos inaktividat na Bándariba

Na Kòrsou, 19% di poblashon adulto ta inaktivo i no a hasi aktividat físiko, ehersisio di forsa, kana, kore baiskel òf hasi deporte sikiera 10 minüt sin stòp niun dia den e siman promé ku e entrevista. E porsentahe di hende inaktivo ta mas haltu na part ost di Willemstad (21%), siguí pa Bándabou (19%) i parti wèst di Willemstad (18%) i e ta mas abou na Bándariba (15%).  

Gráfiko: porsentahe di adulto ku ta inaktivo, pa kada region, na 2017

Fuente: Enkuesta Nashonal di Salú 2017

* Basá riba ménos ku 100 opservashon i p’esei no inkluí den e relato

Ménos hende ta hasi deporte na Kòrsou, kompará ku Hulanda

Hende na Kòrsou ta hasi deporte ku ménos frekuensia kompará ku hende na Hulanda: 31% di adulto na Kòrsou ta hasi deporte 1 dia pa siman òf mas, i na Hulanda ta 53%.

Gráfiko: deporte serka adulto, na Hulanda (2012) i na Kòrsou (2017)

Fuente: Enkuesta Nashonal di Salú 2017 (Kòrsou) i Gezondheidsmonitor 2012 (Hulanda)

Mucha di skol na Kòrsou ta move ménos kompará ku mucha di skol na otro pais di Karibe

E porsentahe di mucha di skol na Kòrsou di 13 te ku 15 aña ku ta hasi moveshon físiko ta mas abou ku na hopi otro pais di Karibe. E porsentahe ku a partisipá na lès di formashon físiko riba tres òf mas dia pa siman durante e aña di skol ta mas haltu ku na hopi otro pais di Karibe. Sinembargo, e porsentahe ku a pasa tres ora òf mas pa dia hasiendo aktividat sintá tambe ta mas haltu.

Gráfiko: moveshon físiko serka mucha di skol di 13-15 aña; Kòrsou vs. Karibe


Mucha di skol na Kòrsou ta move ménos ku mucha di skol na Hulanda

Kompará ku mucha di skol na Hulanda, mucha di skol na Kòrsou tabatin ménos dia ku nan tabata aktivo durante maske ta 60 minüt komo promedio: 2,3 dia vs. 4,3 dia (GSHS Curaçao 2015).

Downloads

Refrences

Definishon

Inaktivo: no ta hasi aktividat físiko ni entrenamentu di forsa, i no ta kana, kore baiskel ni hasi deporte durante 10 minüt sin stòp ni un dia pa siman.

Norma di WHO tokante moveshon: hasi aktividat físiko maske ta 60 minüt tur dia. A fiha e norma akí pa mucha di 5 te ku 17 aña.

Método

ENS Kòrsou: Enkuesta Nashonal di Salú (ENS) ta un enkuesta representativo di e poblashon adulto di 18 aña p’ariba ku ta biba riba nan mes. Meta di ENS ta di duna un bista aktualisá di situashon di salú i estilo di bida di poblashon adulto na Kòrsou, i tokante kon nan ta usa e servisionan di kuido. For di 2013, Volksgezondheid Instituut Curaçao (VIC) ta tene un ENS kada kuater aña.

GSHS Curaçao 2015: Global School-based Student Health Survey (GSHS) ta un enkuesta di salú bou di mucha di skol di 12 te ku 17 aña. E ta forma parti di e investigashon GSHS internashonal, di Organisashon Internashonal di Salú (WHO). Meta di GSHS ta di haña un bista aktualisá di komportashon di mucha di skol na Kòrsou ku por afektá nan salú, i tambe tokante nan bienestar. Na Kòrsou, a tene e enkuesta pa di promé bes na 2015.

Fuente

Gezondheidsmonitor (2012). Geraadpleegd via https://www.cbs.nl/nl-nl/maatwerk/2013/37/uitkomsten-gezondheidsmonitor-2012.

Verstraeten S. (2016). The Curacao Global School-based Student Health survey (GSHS) Study 2015. Volksgezondheid Instituut Curaçao, Willemstad.

Verstraeten S., Jansen I., Pin R. & Brouwer W. (2013). De nationale gezondheidsenquête Curaçao 2013: methodologie en belangrijkste resultaten. Volksgezondheid Instituut Curaçao, Willemstad.

Verstraeten S., Griffith - Lendering, M.F.H, & Pin R. (2017). De nationale gezondheidsenquête Curaçao 2017: de belangrijkste resultaten, methode en tabellen, Volksgezondheid Instituut Curaçao, Willemstad.

World Health Organization (2017). Geraadpleegd via http://www.who.int/gho/en/

World Health Organization (2017). Recommended levels of physical activity for children aged 5 - 17 years. Geraadpleegd via http://www.who.int/dietphysicalactivity/factsheet_young_people/en/