Den e periodo di 2005 pa 2007, 853 persona a muri di kánser; esei ta un promedio di 284 kaso pa aña. Esei ta nifiká ku despues di enfermedat kardiobaskular, (si tuma tur e diferente tiponan di kánser huntu) kánser ta e kousa prinsipal di morto na Kòrsou.

Si tuma Karibe den su totalidat, e kantidat di persona ku ta muri di kánser na Kòrsou ta mas haltu ku promedio. E sifra di mortalidat promedio den Karibe ta 126,9 pa kada 100.000 persona. Na Kòrsou, e sifra di mortalidat na 2007 tabata 217,61 pa kada 100.000 persona.