Artrítis reumatoide

Tres porshento di adulto na Kòrsou tabatin reumatismo na 2013 

Na 2013, 3% di hende na Kòrsou tabatin artrítis reumatoide (konosí tambe komo reumatismo). Reumatismo ta mas frekuente serka hende muhé ku serka hende hòmber (5% vs. 2%). Den e grupo bou di 44 aña, apénas tin kaso di artrítis reumatoide. E kantidat di hende ku e enfermedat akí ta mas haltu pa kada grupo di edat mas haltu.

Gráfiko: Porsentahe di adulto ku reumatismo pa kada sekso i grupo di edat na 2013

Fuente: Enkuesta Nashonal di Salú 2013

Downloads

Refrences

Definishon

Enfermedat reumátiko ta problema (di inflamashon) króniko di skarnir di wesu i di múskulo i tendon (‘pees’) (Volksgezondheidenzorg.info, 2017).

Método

ENS Kòrsou: Enkuesta Nashonal di Salú (ENS) ta un enkuesta representativo di e poblashon adulto di 18 aña p’ariba ku ta biba riba nan mes. Meta di ENS ta di duna un bista aktualisá di situashon di salú i estilo di bida di poblashon adulto na Kòrsou, i tokante kon nan ta usa e servisionan di kuido. For di 2013, Volksgezondheid Instituut Curaçao (VIC) ta tene un ENS kada kuater aña.

Fuente

Verstraeten S., Jansen I., Pin R. & Brouwer W. (2013). De nationale gezondheidsenquête Curaçao 2013: methodologie en belangrijkste resultaten. Volksgezondheid Instituut Curaçao, Willemstad.

Volksgezondheidenzorg.info (2017). Konsultá via https://www.volksgezondheidenzorg.info/onderwerp/reumato%C3%AFde-artritis-ra/cijfers-context/huidige-situatie , RIVM: Bilthoven, 7 januari 2018.