Kuido urgente

Na 2017, 29% di adulto no tabata por yega departamento di emergensia denter di 30 minüt

Na 2017, 71% di poblashon adulto a bisa ku nan por yega departamento di emergensia di Hospital St. Elisabeth denter di 30 minüt usando nan medio di transporte di kustumber. Kompará ku 2013, akseso na yudansa den kaso di urgensia a mehorá: e tempu aya, ta 59% di e adultonan tabata por.

Pa 29% di adulto, esta, mas o ménos 35.000 hende, departamento di emergensia no ta aksesibel denter di 30 minüt.

Gráfiko: Porsentahe di adulto ku por yega departamento di emergensia denter di 30 minüt usando nan medio di transporte di kustumber, na 2017


Fuente: Enkuesta Nashonal di Salú 2017


E grupo ku ménos akseso na yudansa di emergensia ta esnan ku un nivel di enseñansa abou

Na 2017, e grupo ku ménos akseso na yudansa di emergensia ta e personanan ku un nivel di enseñansa abou. Kuantu akseso un persona tin na yudansa di emergensia no ta dependé di kon bon e por kubri su gastunan ku e entrada di famia.

Gráfiko: Porsentahe di adulto ku por yega departamento di emergensia denter di 30 minüt usando nan medio di transporte di kustumber, na 2017

Fuente: Enkuesta Nashonal di Salú 2017

Downloads

Refrences

Definishon

Kuido urgente ta nifiká: ‘Diagnóstiko i/òf tratamentu ku un persona ku ta pidi kuido i/òf un suministradó di kuido ta sinti nesesidat di dje urgente- i inesperadamente’ (VWS, Ministerio di Salubridat, Bienestar i Deporte, 2008).

Método

ENS Kòrsou: Enkuesta Nashonal di Salú (ENS) ta un enkuesta representativo di e poblashon adulto di 18 aña p’ariba ku ta biba riba nan mes. Meta di ENS ta di duna un bista aktualisá di situashon di salú i estilo di bida di poblashon adulto na Kòrsou, i tokante kon nan ta usa e servisionan di kuido. For di 2013, Volksgezondheid Instituut Curaçao (VIC) ta tene un ENS kada kuater aña.

Zorgkaart Curaçao: Zorgkaart ta duna un bista aktualisá di e suministradó- i instansianan di kuido na Kòrsou, ku nan datonan di kontakto. E ta yuda bo mira kua ta e servisionan di kuido ku ta disponibel i kon esakinan ta organisá. E informashon akí ta optenibel via e wèpsait zorgkaartcuracao.cw, pa yuda un persona ku ta pidi kuido haña e servisionan di kuido ku e tin mester.

Fuente

Verstraeten S., Jansen I., Pin R. & Brouwer W. (2013). De nationale gezondheidsenquête Curaçao 2013: methodologie en belangrijkste resultaten. Volksgezondheid Instituut Curaçao, Willemstad.

Verstraeten S., Griffith - Lendering, M.F.H, & Pin R. (2017). De nationale gezondheidsenquête Curaçao 2017: de belangrijkste resultaten, methode en tabellen, Volksgezondheid Instituut Curaçao, Willemstad.

Volksgezondheid Instituut Curaçao. De zorgkaart 2016: de verzekerde zorg in beeld. Volksgezondheid Instituut Curaçao, Willemstad.

VWS, Ministerie van Volksgezondheid, Welzijn en Sport (2008). Kamerstuk: Kiezen voor bereikbaarheid en kwaliteit van zorg. Den Haag: VWS, Ministerie van Volksgezondheid, Welzijn en Sport. Konsultá via https://www.rijksoverheid.nl/documenten/kamerstukken/2008/06/27/kiezen-voor-bereikbaarheid-en-kwaliteit-van-zorg