search
close
Na Bándariba, e porsentahe di adulto den e enkuesta ku a kontestá ku nan ta usa mariwana (i otro soft drugs) ta mas haltu (4%) kompará ku e regionnan Bándabou, parti ost i parti wèst di Willemstad (tur, 2%). No a opservá diferensia grandi den uso di hard drugs entre e diferente regionnan.
Gráfiko: Porsentahe di adulto ku a yega di usa soft i hard drugs den e último 12 lunanan, pa kada region, na 2017
* Basá riba ménos ku 100 opservashon i p’esei no inkluí den e relato
Fuente: Enkuesta Nashonal di Salú 2017
Na Kòrsou, 5% di mucha di skol di e promé 4 klasnan di skol sekundario ta bisa ku nan a usa mariwana den e 30 dianan promé ku e enkuesta. E porsentahe akí ta meskos ku loke a opservá serka e muchanan na Hulanda (5%) den un enkuesta similar di mucha di skol (de Looze et al., 2013).
Na Kòrsou, e porsentahe di mucha di skol ku a yega di usa mariwana maske ta un biaha den nan bida ta esun di mas abou di tur seis pais di Karibe kaminda a hasi mucha di skol e mesun pregunta den un enkuesta similar.
Gráfiko: Porsentahe di mucha di skol ku a yega di usa mariwana (maske ta un biaha den nan bida) na Kòrsou i otro parti di Karibe
Fuente: GSHS Surveys, Centers for Disease Control and Prevention, 2018.
Droga ta supstansia ku ta stimulá serebro, produsiendo efekto mental i físiko. Ta yama e efektonan ei ‘efekto sikoaktivo’. (Volksgezondheidenzorg.info, 2017) Soft drugs ta produkto manera cannabis, hashis i mariwana, ku ta e droganan mas usá na Kòrsou. Hard drugs ta produkto manera kokaina, ‘base’ i ecstasy.
ENS Kòrsou: Enkuesta Nashonal di Salú (ENS) ta un enkuesta representativo di e poblashon adulto di 18 aña p’ariba ku ta biba riba nan mes. Meta di ENS ta di duna un bista aktualisá di situashon di salú i estilo di bida di poblashon adulto na Kòrsou, i tokante kon nan ta usa e servisionan di kuido. For di 2013, Volksgezondheid Instituut Curaçao (VIC) ta tene un ENS kada kuater aña.
GSHS Curaçao 2015: Global School-based Student Health Survey (GSHS) ta un enkuesta di salú bou di mucha di skol di 12 te ku 17 aña. E ta forma parti di e investigashon GSHS internashonal, di Organisashon Internashonal di Salú (WHO). Meta di GSHS ta di haña un bista aktualisá di komportashon di mucha di skol na Kòrsou ku por afektá nan salú, i tambe tokante nan bienestar. Na Kòrsou, a tene e enkuesta pa di promé bes na 2015.
Statistik di kousa di morto: E datonan di kousa di morto na Kòrsou ta basá riba deklarashon di kousa di morto ku dòkter, médiko forense òf spesialista ta saka. Ta kodifiká e kousanan di morto a base di un lista di kódigo ku ta ser usá internashonalmente, e asina yamá International Statistical Classification of Diseases and Related Health Problems (ICD) di Organisashon Internashonal di Salú (WHO). For di 1996, a bin ta traha ku e di 10 revishon di ICD (ICD-10, WHO).
Centers for Disease control and prevention, 2018. The Global School-based Student Health Survey (GSHS). Konsultá via https://www.cdc.gov/gshs/
De Looze M, Van Dorsselaer S, De Roos S, Verdurmen J, Stevens G, Gommans R, et al. HBSC 2013. Gezondheid, welzijn en opvoeding van jongeren in Nederland.
PAHO (2018). Sterftecijfers Curaçao 2001-2007. Dataset disponibel via PAHO mortality database: https://hiss.paho.org/pahosys/grp.php
Verstraeten S. (2016). The Curacao Global School-based Student Health survey (GSHS) Study 2015. Volksgezondheid Instituut Curaçao, Willemstad.
Verstraeten S., Jansen I., Pin R. & Brouwer W. (2013). De nationale gezondheidsenquête Curaçao 2013: methodologie en belangrijkste resultaten. Volksgezondheid Instituut Curaçao, Willemstad.
Verstraeten S., Griffith- Lendering, M.F.H, & Pin R. (2017). De nationale gezondheidsenquête Curaçao 2017: de belangrijkste resultaten, methode en tabellen, Volksgezondheid Instituut Curaçao, Willemstad.
Volksgezondheidenzorg.info (2017). Konsultá via https://www.volksgezondheidenzorg.info/onderwerp/uso di droga/cijfers-context/huidige-situatie-jongeren#definities RIVM: Bilthoven, 7 januari 2018.