Kanser na prostat

E kantidat di hende hòmber ku ta muri di kánser na prostat na Kòrsou ta riba e promedio di Karibe 

Si tuma Karibe den su totalidat, e kantidat di hende hòmber na Kòrsou ku ta muri di kánser na prostat ta mas haltu ku promedio. E sifra di mortalidat promedio den Karibe ta 40,9 pa kada 100.000 hende hòmber. Na Kòrsou, e sifra di mortalidat na 2007 tabata 50,8 pa kada 100.000 hende hòmber. Na islanan Turcas i Caicos, e mortalidat pa kada 100.000 persona tabata mas abou ku tur: 7,3 i Montserrat tin e sifra di mas haltu: 118,5.

Gráfiko: morto komo konsekuensia di kánser na prostat den Karibe, standarisá pa edat, (datonan di mas resien ku ta disponibel pa kada pais; periodo 2007–2014)

Fuente: Paho mortality database, ICD10-code C61

Downloads

Refrences

Definishon

Kánser na prostat ta un tumor maligno na prostat. Mayoria di tumor maligno na prostat ta adenokarsinoma ku ta forma den sèl glandular di prostat. Ta un porsentahe chikitu so (aproksimadamente 5%) di tumor maligno na prostat ta forma otro kaminda den prostat (den e tehido di apoyo, konektivo òf baskular) (Volksgezondheidenzorg.info, 2020).

Método

Registro di kanser: Departamento di patologia di Analytisch Diagnostisch Centrum tin un base di dato tokante insidensia (kantidat di kaso nobo) i prevalensia (kantidat di kaso eksistente) di kanser na Kòrsou. E base di dato ta kontené informashon di tur kaso di tumor maligno diagnostiká na Kòrsou.

Statistik di kousa di morto: E datonan di kousa di morto na Kòrsou ta basá riba deklarashon di kousa di morto ku dòkter, médiko forense òf spesialista ta saka. Ta kodifiká e kousanan di morto a base di un lista di kódigo ku ta ser usá internashonalmente, e asina yamá International Statistical Classification of Diseases and Related Health Problems (ICD) di Organisashon Internashonal di Salú (WHO). For di 1996, a bin ta traha ku e di 10 revishon di ICD (ICD-10, WHO).

Fuente

Alqahtani, K.S., Srinivasan, S., Mital, D.P. and Haque, S. (2015) ‘Analysis of risk factors for prostate cancer patients’, Int. J. Medical Engineering and Informatics, Vol. 7, No. 4, pp.365–380.

IARC cancer incidence database (2019). Dataset verkrijgbaar via https://gco.iarc.fr/databases.php

PAHO mortality database. Dataset verkrijgbaar via https://hiss.paho.org/pahosys/grp.php.

Volksgezondheidenzorg.info (2020). Geraadpleegd via https://www.volksgezondheidenzorg.info/onderwerp/prostaatkanker/cijfers-context/huidige-situatie#definities . RIVM: Bilthoven, 2 februari 2020.

WHO mortality database. Dataset verkrijgbaar via https://www.who.int/healthinfo/mortality_data/en/.