Binti porshento di hende na Kòrsou ta duna kuido informal tur siman

Na Kòrsou, 20% di adulto ta duna kuido informal un òf mas biaha pa siman na un òf mas hende ku tin sierto limitashon debí na nan edat, salú òf un desabilidat. Ta trata aki di un poko mas tantu hende muhé kompará ku hende hòmber (22% vs. 18%). Hende di 45 pa 64 aña ta esnan ku mas tantu ta duna kuido informal (23%).

Gráfiko: porsentahe di adulto ku ta duna kuido informal un òf mas biaha pa siman na un òf mas hende ku tin sierto limitashon debí na nan edat, salú òf un desabilidat, pa kada sekso i grupo di edat (NGE, 2017)

Fuente: Enkuesta Nashonal di Salú 2017

Kuido informal prinsipalmente na (miembro di) famia

Un 64% di e dunadónan di kuido informal ta kuida un òf mas miembro di nan mes famia. Den e otro kasonan, ta trata di hende ku no ta famia, manera bisiña òf amigu.

Gráfiko: Porsentahe ku ta risibí kuido informal (for di un adulto, un òf mas biaha pa siman), 2017

Fuente: Enkuesta Nashonal di Salú 2017

Un 17% di dunadó di kuido informal ta duna kuido informal 20 ora pa siman òf mas

Un kuart di dunadó di kuido informal (27%) ta duna kuido informal 10 ora òf mas pa siman. Un 17% di dunadó di kuido informal ta hasi esei 20 ora pa siman òf mas. E sobrá 73% ta duna kuido informal ménos ku 10 ora pa siman.

Gráfiko: kantidat di ora di kuido informal pa siman (for di un adulto, un òf mas biaha pa siman), 2017

Fuente: Enkuesta Nashonal di Salú 2017

Mitar di e dunadónan di kuido informal ta traha 32 ora pa siman

Dos terser parti (62%) di e dunadónan di kuido informal ta hende muhé. Kuarentikuater porshento (44%) di dunadó di kuido informal tin 45 pa 64 aña. Mitar di e dunadónan di kuido informal (50%) ta traha 32 ora pa siman òf mas i 8% ta bai skol òf studia. Diesocho porshento (18%) di e dunadónan di kuido informal tin yu bou di 18 aña di edat ku ta biba serka nan na kas. Aproksimadamente un kuart (26%) di e dunadónan di kuido informal tin nan mama òf tata ta biba serka nan na kas i 18% di e dunadónan di kuido informal ta un mayor den un famia di un solo mayor.