Mama tiner

Kantidat di embaraso hubenil na Kòrsou ta haltu kompará ku Hulanda 

Na Kòrsou, e kantidat di yu ku ta nase di mama ku tin 15 te ku 19 aña ta haltu kompará ku Hulanda. Na Hulanda, for di 2011, ménos ku 5 di kada mil mucha muhé di 15 te ku 19 aña ta haña yu (CBS, 2013). Na Kòrsou, esei ta kasi 5 biaha mas haltu.

Kantidat di embaraso hubenil na Kòrsou ta rònt di e promedio pa pais karibense

Kompará ku e otro pais- i teritorionan di Karibe, e índise di nasementu serka mucha muhé di 15 te ku 19 aña na Kòrsou ta rònt di e promedio (PAHO, 2018). E teritorionan den region di Karibe kaminda a midi e índisenan di nasementu mas abou (pa kada mil mucha muhé di 15 te ku 19 aña) ta Montserrat (8), U.S. Virgin Islands (9) i Turks i Caicos (10). Di otro banda, Sürnam (47), Jamaica (54) i Guyana (88) tin e índisenan di nasementu mas haltu pa mama tiner.

Gráfiko: Nasementu pa kada mil mucha muhé di 15 te ku 19 aña den Karibe na 2017

Fuente: PAHO, 2018

Downloads


Refrences

Mama tiner: Ta definí mama tiner komo mucha muhé di 15 te ku 19 aña ku haña yu, ya ku asina por kompará e sifranan lokal ku esnan di otro pais.

Konsekuensia di embaraso hubenil. Embaraso hubenil no ta un problema riba su mes. Tin sierto komunidat tin mas aseptashon pa maternidat na edat yòn. Tin mama tiner ku a plania pa sali na estado i nan embaraso ta unu deseá, pero den mayoria di kaso no ta asina. Hopi mama tiner tin un státus sosioekonómiko hopi abou kaba i generalmente nasementu di e yu no ta yuda nan den nan situashon (Spivak, & Weitzman, 1987). Mama tiner tin mas chèns di stòp di bai skol promé ku tempu i, komo resultado, nan opshon- i posibilidatnan pa yega na un bon situashon ekonómiko ta bira mas limitá.

For di punto di bista médiko tambe embaraso hubenil ta brinda ménos bon perspektiva. E chèns pa e yu nase promé ku tempu òf muri poko promé òf despues di parto ta mas haltu (Enk, 2000). Embaraso hubenil por ta peligroso pa e mama mes tambe. Rònt mundu, komplikashon durante embaraso i nasementu ta e di dos kousa di morto di mucha muhé di 15 te ku 19 aña (WHO, 2018).

Senso: Un senso ta duna un bista di e sirkunstansianan di bida di poblashon na un momento spesífiko. Bo por kompará e resultadonan ku resultado di otro konteo anterior pa haña un bista kon sierto asuntu a desaroyá den pasado, i pa asina por antisipá desaroyo den futuro. A yega di tene sinku senso na Kòrsou: na 1972, 1992, 2001 i 2011.

Boersma, A., Alberts, J.F., de Bruijn, J., Meyboom-de Jong, B., Kleiverda, G.. (2012). Termination of Pregnancy in Curaçao: Need for Improvement of Sexual and Reproductive Healthcare. Global Journal of Health Science, vol. 4, no. 3.

Centraal Bureau voor de Statistiek (2011). Gezondheid en beperkingen in Curaçao. Willemstad, Centraal Bureau voor de Statistiek.

Centraal Bureau voor de Statistiek (2017). [Online]. Konsultá via     http://www.cbs.cw/website/population_3208/item/population-tables_1198.html.

Enk, W.J.J., W.H.M. Gorissen en A. van Enk, (2000). Teenage pregnancy and ethnicity in the Netherlands: frequency and obstetic outcome. European Journal of Contraception and reproductive health care, vol. 5, pp. 77-84.

PAHO, 2018. Adolescence pregnancy. Konsultá via     http://www.paho.org/data/index.php/en/indicators/visualization.html

Spivak, H.  & Weitzman,  M. (1987). Social barriers faced by adolescent parents and their children. Journal of the American Medical Association, vol. 258, no. 11, pp. 1500-1504.

World Health Organization, 2018. Adolescent pregnancy. Konsultá via   http://www.who.int/mediacentre/factsheets/fs364/en/