A amplia e banko di dato di salú online di Volksgezondheid Instituut Curaçao (VIC) ku dato riba nuebe tema mas. E temanan akí ta enfermedat kardiobaskular, suisidio, ekspektativa di bida, trabou, kuido informal, grip, kánser na prostat i, por último, deporte i moveshon. Ta analisá e informashon- i sifranan di mas resien pa kada tema. E informashon riba tur e temanan ta disponibel na dos idioma: papiamentu i hulandes.

Entre tantu e base di dato ta konta ku 45 tema. Ta premirá ku den e temporada di yüni pa ougùstùs di 2020, lo amplia e banko di dato ku 10 tema mas.