Volksgezondheid Instituut Kòrsou (VIC) a keda fundá na 2012 i ta traha pa fomentá un bon salubridat públiko mediante investigashon sientífiko riba tereno di salubridat i kuido. Di e manera akí, VIC ta duna su aporte na siudadania, profeshonalnan i e gobièrnunan, ofresiendo informashon ku ta sirbi pa yuda hende keda salú, ofresé bon kuido i promové un ambiente di bida sano. Tur aña, VIC ta publiká diferente informe riba tema di salú i kuido di salú na Kòrsou. E informenan akí ta sirbi komo referensia ora di formulá i evaluá maneho di salú ‘basá riba evidensia’.

VIC ta un instituto outónomo ku ta kai bou di Ministerio di Salubridat Públiko, Medio Ambiente i Naturalesa. Komo un organisashon outónomo, VIC ta prepará, ehekutá i publiká su investigashonnan independientemente. VIC ta traha ku eksperto lokal i internashonal ku ta kontrolá i vigilá ku e investigashonnan ta ser ehekutá manteniendo un bon nivel sientífiko. Algun di e ekspertonan akí ta:
- Ofisina Sentral di Statistik (CBS), Sociale VerzekeringsBank (SVB), Analytisch Diagnostisch Centrum (ADC) N.V., Curacao Medical Center (CMC) i e organisashonnan profeshonal;
- Sektor públiko: Organisashon di Maneho i Inspekshon di Salubridat Públiko, Medio Ambiente i Naturalesa, Geneeskundige & Gezondheidszaken (G&Gz, ántes GGD);
- Pan American Health Organization (PAHO)/World Health Organization (WHO), Centers for Disease Control and Prevention (CDC), Rijksinstituut voor Volksgezondheid en Milieu, Erasmus Medisch Centrum, Centraal Bureau voor Statistiek Hulanda i Nederlands Instituut Voor onderzoek van de Gezondheidszorg (NIVEL).