search
close
Adulto na parti wèst di Willemstad i na Bándabou ta esnan ku tin mas tantu molèster di kontaminashon di aire i holó malu di área industrial di Schottegat (Isla) òf otro fuentenan industrial. Adulto na Bándabou ta tambe esnan ku tin mas tantu molèster di sangura (95%) kompará ku adulto den e otro regionnan. Krímen (19%) molèster di zonido (31%) i tambe sushi òf kos bieu tirá den nan ambiente (31%), tur ta mas frekuente serka adulto na parti wèst di Willemstad (31%), kompará ku e otro regionnan.
Tabèl: porsentahe di adulto pa kada tipo di molèster ku nan tabata eksponé na dje den nan ambiente di biba den e 12 lunanan promé ku e entrevista, pa kada region, na 2017
|
|
Sangura
|
Djaka i raton
|
Molèster di zonido
|
Holó malu
|
Sushi i kos bieu |
Kontamina-shon di aire
|
Krímen
|
| Total
|
90.1% |
32.5% |
26.8% |
22.0% |
26.5% |
18.3% |
15.6% |
|
|
|
|
|
|
|
|
|
| Bándabou
|
95.1% |
31.6% |
17.9% |
20.8% |
24.4% |
19.8% |
7.1% |
| Sentro di siudat
|
* |
* |
* |
* |
* |
* |
* |
| Parti ost di Willemstad
|
88.2% |
32.5% |
27.0% |
10.6% |
24.1% |
7.8% |
16.3% |
| Parti wèst di Willemstad
|
90.2% |
32.5% |
30.6% |
40.8% |
30.8% |
33.5% |
18.8% |
| Bándariba
|
89.3% |
33.0% |
22.9% |
3.3% |
22.5% |
1.9% |
14.0% |
Fuente: Enkuesta Nashonal di Salú 2017
Na yanüari di 2010, Ministerio di Salubridat, Medio Ambiente i Naturalesa, den kolaborashon ku Community Health Services (GGD) di Amsterdam, a kuminsá midi supstansia ku ta kontaminá aire i ku ta ser konsiderá malu pa salú di poblashon, manera SO2, Total Suspended Particles (TSP) i ParticulateMatter (PM10).
Na 2013, 2014, 2015 i 2016, aire na e stashonnan di midi na Beth Chaim i Kas Chikitu a bin ta surpasá e nivel aseptabel di SO2 ku ta konta for di 2010 (GGD, 2017). Na 2016, e konsentrashon na tur dos stashon di midi a baha ku aproks. 30% kompará ku 2015.
Gráfiko: promedio anual di SO2 na stashonnan di midi na Beth Chaim i Kas Chikitu
Fuente: GGD, 2017
For di 2010, e konsentrashon di Total Suspended Particles (TSP) na e stashon di midi na Beth Chaim ta kumpli ku e promedio anual aseptabel (62 μg/m3 midí i 75 μg/m3 permití). Na 2016, konsentrashon di Particulate Matter (PM10) i TSP a baha, ku 8% i 13% respektivamente, kompará ku 2015.
Gráfiko: promedio anual di TSP i PM10 na stashonnan di midi na Beth Chaim i Kas Chikitu
Fuente: GGD, 2017
Un hende su ambiente di biba ta hunga un papel importante den su salú i sentido di bienestar. Un ambiente di biba salú ta promové komportashon salú, tin ménos efekto negativo posibel riba salú i ta kontribuí na e sentido di bienestar di e habitantenan. E siguiente tiponan di molèster den hende su ambiente di biba ta kontribuí na malesa i tin un efekto negativo riba nan sentido di bienestar. Por ehèmpel, sangura manera Aedes, spesialmente Aedes aegypti (di ‘gelekoorts’) i e sangura asiátiko Aedes albopictus ta transmití enfermedat manera dengue, chikungunya i zika (RIVM, 2017). Eksposishon largu (luna largu te aña largu) na aire kontaminá por redusí largura di un hende su bida (Pope et al., 2009). Ademas, molèster di zonido tin un efekto negativo riba hende su prestashon pa siña i ta oumentá riesgo di enfermedat kardiovaskular (WHO, 2011). Finalmente tin ku menshoná ku ora un hende eksperensiá un delito, por ehèmpel un kiebro, esei por tin hopi efekto riba su bienestar sikológiko (Morrall et al., 2010).
ENS Kòrsou: Enkuesta Nashonal di Salú (ENS) ta un enkuesta representativo di e poblashon adulto di 18 aña p’ariba ku ta biba riba nan mes. Meta di ENS ta di duna un bista aktualisá di situashon di salú i estilo di bida di poblashon adulto na Kòrsou, i tokante kon nan ta usa e servisionan di kuido. For di 2013, Volksgezondheid Instituut Curaçao (VIC) ta tene un ENS kada kuater aña.
GGD Amsterdam (2015). Meetresultaten Luchtkwaliteit Curaçao 2014 [Internet]. Available from: http://www.luchtmetingencuracao.org/static_html/media/15-1133 Luchtkwaliteit Curacao 2014.pdf
GGD Amsterdam (2017). Meetresultaten Luchtkwaliteit Curacao, 2016.
TNO (2015). Bepaling van de elementsamenstelling van een groene aanslag aanwezig op een vijftal locaties op Curaçao met behulp van elektronenmicroscopie en Röntgen microanalyse [Internet]. Available from: http://www.stichtingsmoc.nl/uploads/TNOgroeneaanslag17augustus2015.pdf
Morrall P, Marshall P, Pattison S, Macdonald G. (2010). Crime and health: a preliminary study into the effects of crime on the mental health of UK university students. J Psychiatr Ment Health Nurs. Vol. 17, Issue 9, pp 821-828.
Pope, C.A., Ezatti, M., & Dockery, D.W. (2009). Fine-particular air pollution and life expectancy in the United States. New England Journal of Medicine, Vol. 360, pp. 376-386.
RIVM (2017). Muggen. Geraadpleegd via http://www.rivm.nl/Onderwerpen/M/Muggen
Verstraeten S., Jansen I., Pin R. & Brouwer W. (2013). De nationale gezondheidsenquête Curaçao 2013: methodologie en belangrijkste resultaten. Volksgezondheid Instituut Curaçao, Willemstad.
Verstraeten S., Griffith, M.F.H, & Pin R. (2017). De nationale gezondheidsenquête Curaçao 2017: de belangrijkste resultaten, methode en tabellen, Volksgezondheid Instituut Curaçao, Willemstad.
World Health Organization (WHO) (2011). Regional Office for Europe/ European Commission.