Violensia

Kòrsou tabata den e tòp 3 di paisnan di Karibe ku mas tantu morto violento (periodo di 2003–2007)

Den e periodo di 2003-2007, promedio di morto violento (standarisá pa edat) tabata 28 pa kada 100,000 habitante di Kòrsou. Durante e periodo ei, e sifra a varia di 16 pa kada 100,000 habitante na 2006 te 43 pa kada 100,000 habitante na 2003. Despues di Jamaica i U.S. Virgin Islands, Kòrsou tabata e teritorio ku mas tantu morto violento den Karibe den e periodo akí. 

E sifranan di morto violento den Karibe ta mas haltu ku di otro region di mundu. Tráfiko internashonal di droga ta e faktor prinsipal ku ta kontribuí na e sifranan haltu akí. Esnan mas afektá pa e fenómeno akí ta e gruponan marginalisá di sosiedat. Sifra di morto violento ta subi ora rivalidat entre e gruponan kriminal ta oumentá (UNODC, 2011).

Gráfiko: komparashon internashonal di morto violento, promedio pa 2003 - 2007

Fuente: Statistik di kousa di morto, ICD10-code X85-Y09, Y871.


Data disponibel

Hustifikashon

Método

GSHS Curaçao 2015: Global School-based Student Health Survey (GSHS) ta un enkuesta di salú bou di mucha di skol di 12 te ku 17 aña. E ta forma parti di e investigashon GSHS internashonal, di Organisashon Internashonal di Salú (WHO). Meta di GSHS ta di haña un bista aktualisá di komportashon di mucha di skol na Kòrsou ku por afektá nan salú, i tambe tokante nan bienestar. Na Kòrsou, a tene e enkuesta pa di promé bes na 2015. 

Statistik di kousa di morto: E datonan di kousa di morto na Kòrsou ta basá riba deklarashon di kousa di morto ku dòkter, médiko forense òf spesialista ta saka. Ta kodifiká e kousanan di morto a base di un lista di kódigo ku ta ser usá internashonalmente, e asina yamá International Statistical Classification of Diseases and Related Health Problems (ICD) di Organisashon Internashonal di Salú (WHO). For di 1996, a bin ta traha ku e di 10 revishon di ICD (ICD-10, WHO).

Fuente

Craig W, Harel-Fisch Y, Fogel-Grinvald H, Dostaler S, Hetland J, Simons-Morton B, et al. (2009). A crossnational profile of bullying and victimization among adolescents in 40 countries. Int. J. Public Health, 54.

Kaltiala-Heino R, Rimpela M, Rantanen P, Rimpela A, Rimpelä M, Rantanen P, et al. (2000/0 Bullying at school - An indicator of adolescents at risk for mental disorders. J. Adolescence, 661–74.

Olweus D. 1993. Bullying at school: What we know and what we can do.. Wiley-Blackwell.

PAHO (2018). Sterftecijfers Curaçao 2001-2007. Dataset disponibel via PAHO mortality database: https://hiss.paho.org/pahosys/grp.php

Rapport Korps Politie Curaçao 2013. Latere jaren via mondelinge rapportage van het ministerie van Justitie.

UNODC. Global Study on Homicide 2011. Disponibel via: https://www.unodc.org/unodc/en/data-and-analysis/statistics/crime/global-study-on-homicide-2011.html).

Verstraeten S. (2016). The Curacao Global School-based Student Health survey (GSHS) Study 2015. Volksgezondheid Instituut Curaçao, Willemstad.