Mayoria di dunadó di kuido informal ta biba na Willemstad pariba di brùg 

E porsentahe di dunadó di kuido informal ta mas haltu serka e adultonan bibá na Willemstad pariba di brùg (22%), siguí pa e adultonan na Willemstad pabou di brùg (21%), Bándariba (20%) i Bándabou (19%).

Gráfiko: porsentahe di adulto ku ta duna kuido informal un òf mas biaha pa siman na un òf mas hende ku tin sierto limitashon debí na nan edat, salú òf un desabilidat, pa kada region, 2017

Fuente: Enkuesta Nashonal di Salú 2017

* Basá riba ménos ku 100 opservashon i p’esei no inkluí den e relato

Na Kòrsou, hende ta duna kuido informal un poko mas tantu ku na Hulanda

Na Kòrsou, 20% di adulto ta duna kuido informal un òf mas biaha pa siman na un òf mas hende ku tin sierto limitashon debí na nan edat, salú òf un desabilidat; na Hulanda, e porsentahe ta 18% (RIVM, 2013). Na Hulanda tambe hende muhé ta duna kuido informal ku mas frekuensia kompará ku hende hòmber (15 vs. 9%) i mayoria dunadó di kuido informal ta den e grupo di edat di 50 pa 65 aña; esei ta paresido na e situashon na Kòrsou, kaminda mayoria dunadó di kuido informal ta den e grupo di edat di 45-64 aña.