Na 2017, 19% di hende di 18 aña òf mas tabata inaktivo: 13% di hende hòmber i 23% di hende muhé. Ku inaktivo nos kier men ku niun dia den e siman promé ku e entrevista, e persona no a hasi aktividat físiko, ehersisio di forsa, kana, kore baiskel òf hasi deporte durante sikiera 10 minüt sin stòp.

Hende na Kòrsou ta praktiká deporte ku ménos frekuensia, kompará ku hende na Hulanda: na Kòrsou, 31% di adulto ta hasi deporte maske ta 1 dia pa siman, i na Hulanda ta 53%.