Kontakto sosial

Adulto na Bándariba ta esnan ku ta sinti ménos apoyo sosial

Generalmente, adulto bibá na Bándariba ta sinti ménos apoyo sosial di hende rònt di nan, kompará ku e otro regionnan di Kòrsou.

Gráfiko: Porsentahe di adulto ku poko apoyo sosial, pa kada region, na 2017

* Basá riba ménos ku 100 opservashon i p’esei no inkluí den e relato

Fuente: Enkuesta Nashonal di Salú 2017

Downloads

Refrences

Definishon

Relashon sosial ta importante pa un hende su bida emoshonal. Nan ta yuda determiná si e ta sinti ku hende ta komprond’é, stim’é i apresi’é. Hende ku no ta sinti esei generalmente ta sòru ménos bon pa nan mes. Ora un hende ta sinti ku e tin apoyo sosial, esei tin un influensia positivo riba su salú físiko i mental. P’esei mes hende ku ta risibí hopi apoyo sosial tin mas chèns di biba largu tambe. Ademas, apoyo sosial ta protehá hende kontra enfermedat kardiobaskular i problema mental (RIVM 2017).

Método

ENS Kòrsou: Enkuesta Nashonal di Salú (ENS) ta un enkuesta representativo di e poblashon adulto di 18 aña p’ariba ku ta biba riba nan mes. Meta di ENS ta di duna un bista aktualisá di situashon di salú i estilo di bida di poblashon adulto na Kòrsou, i tokante kon nan ta usa e servisionan di kuido. For di 2013, Volksgezondheid Instituut Curaçao (VIC) ta tene un ENS kada kuater aña.

GSHS Curaçao 2015: Global School-based Student Health Survey (GSHS) ta un enkuesta di salú bou di mucha di skol di 12 te ku 17 aña. E ta forma parti di e investigashon GSHS internashonal, di Organisashon Internashonal di Salú (WHO). Meta di GSHS ta di haña un bista aktualisá di komportashon di mucha di skol na Kòrsou ku por afektá nan salú, i tambe tokante nan bienestar. Na Kòrsou, a tene e enkuesta pa di promé bes na 2015.

Fuente

Currie C, Roberts C, Morgan A, Smith R, Settertobulte W, Samdal O. (2002). Young people’s health in context Health behavior in School-aged Children (HBSC) study: international report from the 2001/2002 survey [Internet]. Konsultá via

http://www.who.int/immunization/hpv/target/young_peoples_health_in_context_who_2011_2012.pdf

RIVM (2017). Sociale omgeving. Konsultá via http://www.eengezondernederland.nl/Heden_en_verleden/Determinanten/Sociale_omgeving

Verstraeten S. (2016). The Curacao Global School-based Student Health survey (GSHS) Study 2015. Volksgezondheid Instituut Curaçao, Willemstad.

Verstraeten S., Jansen I., Pin R. & Brouwer W. (2013). De nationale gezondheidsenquête Curaçao 2013: methodologie en belangrijkste resultaten. Volksgezondheid Instituut Curaçao, Willemstad.

Verstraeten S., Griffith - Lendering, M.F.H, & Pin R. (2017). De nationale gezondheidsenquête Curaçao 2017: de belangrijkste resultaten, methode en tabellen, Volksgezondheid Instituut Curaçao, Willemstad.

World Health Organization (2002). Broadening the horizon: Balancing protection and risk for adolescents. Geneva, Switzerland. Konsultá via

http://apps.who.int/iris/bitstream/10665/67242/1/WHO_FCH_CAH_01.20.pdf