Na 2017, 4% di poblashon di 18 aña p’ariba a bebe alkohòl di mas: 7% di hende hòmber i 2% di hende muhé. Bebe di mas ta nifiká ku e persona ta bebe mas ku 21 glas di alkohòl pa siman den kaso di hende hòmber òf mas ku 14 glas pa siman ora ta trata di hende muhé.

Bou di poblashon di Kòrsou, uso di alkohòl ta ménos frekuente ku bou di poblashon di Hulanda. Uso problemátiko di alkohòl, bebementu pisá i eksesivo, tambe ta ménos frekuente na Kòrsou kompará ku Hulanda.