Atake di kurason

Atake di kurason ta mas frekuente serka adulto na Bándariba

A topa algun diferensia chikitu den e kantidat di persona ku a bisa ku nan a haña un atake di kurason òf tin konsekuensia króniko di un atake di kurason, den e diferente regionnan. E porsentahe di adulto ku a bisa ku nan a haña un atake di kurason ta mas haltu na Bándariba (2%).

Tabèl: porsentahe di adulto ku un atake di kurason pa kada region na 2017


Porsentage (%)

Kòrsou total

0.9%

  Bándabou

0.0%

  Parti ost di Willemstad

0.8%

  Parti west di Willemstad

0.9%

  Bándariba

1.0%

Fuente: Enkuesta Nashonal di Salú 2017

Data disponibel


Hustifikashon

Atake di kurason òf enfermedat iskémiko di kurason, ta enfermedat di kurason ku ta presentá debí ku arteria ta bira smal (aterosklerósis) òf debí na defekto den arteria koronario. Ora un arteria bira smal òf ferstòp, esei ta okashoná un falta di oksígeno (iskemia) den e múskulo di kurason (Volksgezondheidenzorg.info, 2017).

ENS Kòrsou: Enkuesta Nashonal di Salú (ENS) ta un enkuesta representativo di e poblashon adulto di 18 aña p’ariba ku ta biba riba nan mes. Meta di ENS ta di duna un bista aktualisá di situashon di salú i estilo di bida di poblashon adulto na Kòrsou, i tokante kon nan ta usa e servisionan di kuido. For di 2013, Volksgezondheid Instituut Curaçao (VIC) ta tene un ENS kada kuater aña.

Senso: Un senso ta duna un bista di e sirkunstansianan di bida di poblashon na un momento spesífiko. Bo por kompará e resultadonan ku resultado di otro konteo anterior pa haña un bista kon sierto asuntu a desaroyá den pasado, i pa asina por antisipá desaroyo den futuro. A yega di tene sinku senso na Kòrsou: na 1972, 1992, 2001 i 2011. 

Statistik di kousa di morto: E datonan di kousa di morto na Kòrsou ta basá riba deklarashon di kousa di morto ku dòkter, médiko forense òf spesialista ta saka. Ta kodifiká e kousanan di morto a base di un lista di kódigo ku ta ser usá internashonalmente, e asina yamá International Statistical Classification of Diseases and Related Health Problems (ICD) di Organisashon Internashonal di Salú (WHO). For di 1996, a bin ta traha ku e di 10 revishon di ICD (ICD-10, WHO).

Centraal Bureau voor de Statistiek (2011). Gezondheid en beperkingen in Curaçao. Willemstad, Centraal Bureau voor de Statistiek.

PAHO (2018). Sterftecijfers Curaçao 2001-2007. Dataset verkrijgbaar via PAHO mortality database: https://hiss.paho.org/pahosys/grp.php

Verstraeten S., Jansen I., Pin R. & Brouwer W. (2013). De nationale gezondheidsenquête Curaçao 2013: methodologie en belangrijkste resultaten. Volksgezondheid Instituut Curaçao, Willemstad.

Verstraeten S., Griffith-Lendering, M.F.H, & Pin R. (2017). De nationale gezondheidsenquête Curaçao 2017: de belangrijkste resultaten, methode en tabellen, Volksgezondheid Instituut Curaçao, Willemstad.

Volksgezondheidenzorg.info (2017). Geraadpleegd via   https://www.volksgezondheidenzorg.info/onderwerp/coronaire-hartziekten/cijfers-context/huidige-situatie#definities   RIVM: Bilthoven, 19 oktober 2019.