Enfermedat kardiobaskular

Enfermedat kardiobaskular ta mas frekuente serka adulto na Bándariba

E porsentahe di adulto ku a bisa ku nan tin enfermedat kardiobaskular ta mas haltu (9%) na Bándariba, siguí pa Willemstad pabou di brùg (6%), Bándabou (4%) i Willemstad pariba di brùg (2%).

Gráfiko: porsentahe di adulto ku enfermedat kardiobaskular pa kada region, 2017

Fuente: Nationale Gezondheidsenquête 2017

* Basá riba ménos ku 100 opservashon i p’esei no inkluí den e relato

E kantidat di persona ku ta muri na Kòrsou debí na enfermedat kardiobaskular ta riba e promedio di Karibe

Si tuma Karibe den su totalidat, e kantidat di persona ku ta muri komo konsekuensia di enfermedat kardiobaskular na Kòrsou ta mas haltu ku promedio. E sifra di mortalidat promedio den Karibe ta 203,7 pa kada 100.000 persona. Na 2007, e sifra di mortalidat na Kòrsou tabata 308,3 pa kada 100.000 persona. Islanan Turcas i Caicos tabatin e mortalidat di mas abou pa kada 100.000 persona: 59,1 i Montserrat e sifra di mas haltu: 343,5.

Gráfiko: morto komo konsekuensia di enfermedat kardiobaskular den Karibe, standarisá pa edat, (datonan di mas resien ku ta disponibel pa kada pais; periodo 2007–2014)

Fuente: PAHO mortality database, ICD10-code I00-I99

Data disponibel

Hustifikashon

Definishon

Enfermedat kardiobaskular ta un nòmber ku ta usa pa akapará un kantidat grandi di problema di salú relashoná ku kurason i baso di sanger. Lo siguiente ta kai bou di enfermedat kardiobaskular: enfermedat koronario, atake serebral i atake di kurason. Di nan tur, esun mas frekuente ta enfermedat koronario (Volksgezondheidenzorg.info, 2020).

Método

ENS Kòrsou: Enkuesta Nashonal di Salú (ENS) ta un enkuesta representativo di e poblashon adulto di 18 aña p’ariba ku ta biba riba nan mes. Meta di ENS ta di duna un bista aktualisá di situashon di salú i estilo di bida di poblashon adulto na Kòrsou, i tokante kon nan ta usa e servisionan di kuido. For di 2013, Volksgezondheid Instituut Curaçao (VIC) ta tene un ENS kada kuater aña.

Statistik di kousa di morto: E datonan di kousa di morto na Kòrsou ta basá riba deklarashon di kousa di morto ku dòkter, médiko forense òf spesialista ta saka. Ta kodifiká e kousanan di morto a base di un lista di kódigo ku ta ser usá internashonalmente, e asina yamá International Statistical Classification of Diseases and Related Health Problems (ICD) di Organisashon Internashonal di Salú (WHO). For di 1996, a bin ta traha ku e di 10 revishon di ICD (ICD-10, WHO).

Fuente

PAHO (2020). Sterftecijfers Curaçao 2001-2007. Dataset verkrijgbaar via PAHO mortality database: https://hiss.paho.org/pahosys/grp.php

Verstraeten S., Griffith-Lendering, M., & Pin R. (2017). De nationale gezondheidsenquête Curaçao 2017: de belangrijkste resultaten, methode en tabellen, Volksgezondheid Instituut Curaçao, Willemstad.

Volksgezondheidenzorg.info (2020). Geraadpleegd via https://www.volksgezondheidenzorg.info/onderwerp/hart-en-vaatziekten/cijfers-context/huidige-situatie#definitie--node-hart-en-vaatziekten RIVM: Bilthoven, 19 oktober 2019