Infantil - Mortalidat infantil

Na Kòrsou, e nivel di mortalidat infantil ta kasi tres biaha mas haltu ku na Hulanda

Na Kòrsou, mortalidat infantil ta 10,3 pa kada 1.000 yu ku a nase bibu. Esei ta tres biaha mas haltu ku na Hulanda (3,6 pa kada 1000 yu ku a nase bibu). Na Hulanda tambe bebi di orígen antiano tin mas chèns di muri kompará ku bebi di orígen hulandes (CBS, 2009). Un parti chikitu di e diferensia étniko akí por tin di aber ku algun faktor di riesgo ku nos sa ku ta mas frekuente den komunidat antiano na Hulanda, por ehèmpel un státus sosioekonómiko mas abou i mas embaraso hubenil (Ravelli et al., 2008). Yu ku ta nase morto (Ravelli et al., 2008), prevalensia di wiegendood (morto repentino di bebi, òf SIDS na ingles) (Wal et al., 1999) i morto di mama (Schutte et al., 2010) tambe ta mas haltu den komunidat antiano na Hulanda.

Mortalidat infantil na Kòrsou ta bou di e promedio di Karibe

Na Kòrsou, tin un mortalidat infantil di 11,3 pa kada 1.000 yu ku nase bibu. Esei ta mas abou ku e promedio di 15,9 ku ta konta pa e 28 pais- i islanan di Karibe. A hasi e komparashon akí usando e sifra di mortalidat promedio di 28 pais i isla den Karibe, presentá den e gráfiko akibou. E promedio ei ta sali 15,9 pa kada 1.000 yu ku a nase bibu.

Gráfiko: mortalidat infantil pa kada 1.000 yu ku a nase bibu, pa kada pais (dato mas resien ku ta disponibel pa kada pais, periodo 2013–2015)

* No tabatin opservashon di mortalidat infantil na Islanan Caiman

Fuente: PAHO Mortality Database

Data disponibel

Hustifikashon

Definishon

Indikadó
Definishon
Mortalidat neonatal
Kantidat di yu ku a muri denter di kuater siman despues di parto, pa kada 1.000 yu ku a nase bibu den un aña
Mortalidat infantil
Kantidat di yu ku a muri den nan promé aña di bida, pa kada 1.000 yu ku a nase bibu den un aña

Método

CBS Statistik di Kousa di Morto. Ora un yu nase morto despues di 24 siman òf mas di embaraso, mester mèldu esei na Kranshi (Publieke Zaken). Ora un yu nase bibu, si sea e tata òf mama ta inskribí na Registro Sivil, den tur kaso mester òp e na Kranshi (Publieke Zaken). Asina, e yu ta bai den e Registro Básiko di Persona.

Statistik di kousa di morto: E datonan di kousa di morto na Kòrsou ta basá riba deklarashon di kousa di morto ku dòkter, médiko forense òf spesialista ta saka. Ta kodifiká e kousanan di morto a base di un lista di kódigo ku ta ser usá internashonalmente, e asina yamá International Statistical Classification of Diseases and Related Health Problems (ICD) di Organisashon Internashonal di Salú (WHO). For di 1996, a bin ta traha ku e di 10 revishon di ICD (ICD-10, WHO).

Fuente

Centraal Bureau voor de statistiek (2009). Babysterfte hoogst bij niet-westerse allochtonen van de eerste generatie. Verkrijgbaar via https://www.cbs.nl/nl-nl/nieuws/2009/47/babysterfte-hoogst-bij-niet-westerse-allochtonen-van-de-eerste-generatie

Centraal Bureau voor de statistiek (2018). Data on infant and neonatal mortality, 1998-2017.

Centraal Bureau voor de statistiek (2018). Data on fertility 1998 – 2017.

PAHO (2018). Sterftecijfers. Dataset verkrijgbaar via PAHO mortality database: https://hiss.paho.org/pahosys/grp.php

Schutte, J. M., Steegers, E. A. P., Schuitemaker, N. W. E., Santema, J. G., de Boer, K., Pel, M., ... & van Roosmalen, J. (2010). Rise in maternal mortality in the Netherlands. BJOG: An International Journal of Obstetrics & Gynaecology, 117(4), 399-406

Ravelli, A. C. J., Eskes, M., Tromp, M., van Huis, A. M., Steegers, E. A. P., Tamminga, P., & Bonsel, G. J. (2008). Perinatale sterfte in Nederland gedurende 2000-2006; risicofactoren en risicoselectie. Nederlands Tijdschrift voor Geneeskunde, 152(50), 2728.

Verstraeten, S., Jansen, I., Pin, R., & Brouwer, W. (2013). De Nationale Gezondheidsenquête 2013: methodologie en belangrijkste resultaten. Willemstad. Volksgezondheid Instituut Curaçao, 2013

Van der Wal, M. F., De Jonge, G. A., & Pauw-Plomp, H. (1999). Etnische afkomst en voor wiegendood relevante verzorgingsfactoren. Nederlands tijdschrift voor geneeskunde, 143(43), 2141-2146.