Sobrepeso

Ménos obesidat na Bándariba 

E porsentahe di adulto ku sobrepeso ta varia di 63% (na Bándariba) te 67% (na parti ost di Willemstad). E porsentahe di adulto ku obesidat ta mas abou na Bándariba (25%), siguí pa parti ost di Willemstad (29%), Bándabou (30%) i parti wèst di Willemstad (31%).

 Tabèl: porsentahe di adulto ku sobrepeso i obesidat pa kada region na 2017

* Basá riba ménos ku 100 opservashon i p’esei no inkluí den e relato

Fuente: Enkuesta Nashonal di Salú 2017

Na Kòrsou, obesidat ta muchu mas frekuente ku na Hulanda

Na Kòrsou, obesidat ta muchu mas frekuente ku na Hulanda (29% vs. 13% di adulto). Na Hulanda, peso normal ta mas frekuente tambe (un BMI di 18.5 pa 25 kg/m2) kompará ku na Kòrsou (50% vs. 33%). E sifranan akí ta basá riba e peso i haltura ku e partisipantenan mes a duna.

 Gráfiko: porsentahe di adulto pa kada grupo di BMI na Kòrsou i Hulanda

Fuente: Enkuesta Nashonal di Salú 2017 (Curaçao) i Gezondheidsmonitor 2012 (Hulanda)

Sobrepeso ta mas frekuente na Kòrsou, kompará ku otro isla i pais den region

Kompará ku otro isla i pais den region di Karibe, sobrepeso ta mas frekuente na Kòrsou. Di otro banda, peso di ménos ta presentá ku ménos frekuensia na Kòrsou, kompará ku na otro isla i pais den region.

 Tabèl: sifra di sobrepeso i peso di ménos, standarisá pa edat

 
Hende hòmber ku sobrepeso/ obesidat
Hende muhé ku sobrepeso/ obesidat
Hende hòmber ku peso di ménos 
Hende muhé ku peso di ménos
Antigua i Barbuda
53.2
65.8
5.0
4.4
Bahamas
60.9
67.1
2.3
2.6
Barbados
51.3
62.8
3.7
3.1
Cuba
54.5
62.5
4.2
4.6
Dominica
50.9
61.3
3.0
2.9
República Dominicana
49.4
59.0
2.9
3.4
Grenada
47.5
61.7
4.4
3.5
Guyana
42.7
60.9
5.2
4.5
Haiti
30.9
45.3
3.4
4.9
Jamaica
48.3
63.4
4.6
3.4
Sint Kitts i Nevis
52.1
63.8
3.5
3.1
Sint Lucia
48.1
60.5
5.2
3.8
Sint Vincent i Grenadines
49.5
59.8
3.7
3.5
Sürnam
52.0
62.6
3.5
3.1
Trinidad i Tobago
51.2
64.5
4.2
3.6
Kòrsou
62.6
64.1
2.0
2.0

Fuente: Enkuesta Nashonal di Salú 2017; Dato internashonal di PAHO* i WHO**)

Data disponibel


Hustifikashon

Sobrepeso i sobrepeso grave (obesidat) ta akumulashon apnormal òf eksesivo di vèt ku por afektá hende su salú. BMI (Body Mass Index) ta indiká e proporshon entre un hende su haltura i peso, i hopi bes ta usa esei pa determiná si e persona tin sobrepeso i, si ta asina, kuantu (RIVM 2017).

  • Peso di ménos (BMI <18.5 kg/m2)
  • Normal (BMI >/ 18.5 & < 25 kg/m2)
  • Sobrepeso (BMI >/ 25 & < 30 kg/m2)
  • Obesidat (BMI >/30 kg/m2) 

Un BMI di 25 kg/m2 òf mas ta indiká sobrepeso, i un BMI di 30 kg/m2 òf mas ta indiká obesidat. Algun estudio epidemiológiko ta indiká ku ora un persona su BMI ta 25 kg/m2 òf mas, e peliger di enfermedat òf morto ta oumentá (WHO, 2017b).

CHS: Curaçao Health Study (CHS) ta un enkuesta di poblashon ku a tuma lugá na 1993 – 1994 bou di poblashon adulto di 18 aña p’ariba na Kòrsou. E enkuesta akí a suministrá un gran kantidat di dato konfiabel tokante salú, i komportashon relashoná ku salú, di poblashon di Kòrsou.

GSHS Curaçao 2015: Global School-based Student Health Survey (GSHS) ta un enkuesta di salú bou di mucha di skol di 12 te ku 17 aña. E ta forma parti di e investigashon GSHS internashonal, di Organisashon Internashonal di Salú (WHO). Meta di GSHS ta di haña un bista aktualisá di komportashon di mucha di skol na Kòrsou ku por afektá nan salú, i tambe tokante nan bienestar. Na Kòrsou, a tene e enkuesta pa di promé bes na 2015.

ENS Kòrsou: Enkuesta Nashonal di Salú (ENS) ta un enkuesta representativo di e poblashon adulto di 18 aña p’ariba ku ta biba riba nan mes. Meta di ENS ta di duna un bista aktualisá di situashon di salú i estilo di bida di poblashon adulto na Kòrsou, i tokante kon nan ta usa e servisionan di kuido. For di 2013, Volksgezondheid Instituut Curaçao (VIC) ta tene un ENS kada kuater aña.

Alberts, J. F., Gerstenbluth, I., Halabi, Y. T. & O'Neil, J. (1996). The Curaçao Health study. Northern Centre for Healthcare Research.

Centraal Bureau voor de Statistiek (2011). Gezondheid en beperkingen in Curaçao. Willemstad, Centraal Bureau voor de Statistiek.

Gezondheidsmonitor (2012). Konsultá via https://www.cbs.nl/nl-nl/maatwerk/2013/37/uitkomsten-gezondheidsmonitor-2012

Pan American Health Organisation (2017). Konsultá via http://www.paho.org/data/index.php/en/indicators.html

Verstraeten S. (2016). The Curacao Global School-based Student Health survey (GSHS) Study 2015. Volksgezondheid Instituut Curaçao, Willemstad.

Verstraeten S., Jansen I., Pin R. & Brouwer W. (2013). De nationale gezondheidsenquête Curaçao 2013: methodologie en belangrijkste resultaten. Volksgezondheid Instituut Curaçao, Willemstad.

Verstraeten S., Griffith - Lendering, M.F.H, & Pin R. (2017). De nationale gezondheidsenquête Curaçao 2017: de belangrijkste resultaten, methode en tabellen, Volksgezondheid Instituut Curaçao, Willemstad.

RIVM (2017). Overgewicht en Obesitas. Konsultá via http://www.rivm.nl/Onderwerpen/K/Kosteneffectiviteit_van_preventie/Economische_evaluaties/Endocriene_ziekten_en_immuniteitsstoornissen/Overgewicht_en_Obesitas

World Health Organization (2017b). Factsheet Obesity and Overweight. Konsultá via http://www.who.int/mediacentre/factsheets/fs311/en/

World Health Organization (2017a). Konsultá via http://www.who.int/gho/en/