Aksidente di tráfiko

Mas tantu aksidente di tráfiko na Bándabou i Bándariba

Den e 12 lunanan promé ku e entrevista, e adultonan bibá na Bándabou i Bándariba a sufri aksidente di tráfiko ku mas frekuensia kompará ku e otro regionnan.

Gráfiko: Aksidente di tráfiko pa kada region na 2017

Fuente: Enkuesta Nashonal di Salú 2017

* Basá riba ménos ku 100 opservashon i p’esei no inkluí den e relato

Na Kòrsou, morto den tráfiko ta relativamente haltu serka hende hòmber

Tin diferensia grandi entre e diferente pais- i teritorionan di Karibe pa loke ta trata kantidat di aksidente di tráfiko ku konsekuensia fatal. Kompará ku restu di Karibe, e kantidat di hende hòmber ku ta muri na Kòrsou komo konsekuensia di aksidente di tráfiko ta mas haltu ku promedio i pa hende muhé e sifra ta rònt di promedio. Tambe ta riparabel ku na tur e paisnan, tin basta mas tantu hende hòmber enbolbí den aksidente di tráfiko ku konsekuensia fatal, kompará ku hende muhé.

Gráfiko: Morto komo konsekuensia di aksidente di tráfiko internashonalmente, rònt di 2010

Fuente: Statistik di Kousa di Morto, ICD10-code V00-V99, sifra pa Kòrsou 2005-2007

Data disponibel

Hustifikashon

Definishon

Bou di aksidente di tráfiko nos ta konta tur aksidente den kua un vehíkulo tabata enbolbí i e víktima a sufri leshon komo konsekuensia di un situashon di tráfiko (inkluso tráfiko di baiskel, boto, trein i tráfiko aéreo, pero ekskluyendo vehíkulo stashoná), sea ku el a sosodé riba kaminda públiko òf nò. Segun VZinfo.nl, aksidente di baiskel i bròmfits den kua no tabatin niun kontrapartido enbolbí tambe ta kai bou di aksidente di tráfiko (Volksgezondheidinfo, 2017).

Método

ENS Kòrsou: Enkuesta Nashonal di Salú (ENS) ta un enkuesta representativo di e poblashon adulto di 18 aña p’ariba ku ta biba riba nan mes. Meta di ENS ta di duna un bista aktualisá di situashon di salú i estilo di bida di poblashon adulto na Kòrsou, i tokante kon nan ta usa e servisionan di kuido. For di 2013, Volksgezondheid Instituut Curaçao (VIC) ta tene un ENS kada kuater aña.

GSHS Curaçao 2015: Global School-based Student Health Survey (GSHS) ta un enkuesta di salú bou di mucha di skol di 12 te ku 17 aña. E ta forma parti di e investigashon GSHS internashonal, di Organisashon Internashonal di Salú (WHO). Meta di GSHS ta di haña un bista aktualisá di komportashon di mucha di skol na Kòrsou ku por afektá nan salú, i tambe tokante nan bienestar. Na Kòrsou, a tene e enkuesta pa di promé bes na 2015.

Fuente

Asosashon Tráfiko Sigur Kòrsou (ATSK). Konsultá via http://www.vvvcur.com/index.html

Verstraeten S. (2016). The Curacao Global School-based Student Health survey (GSHS) Study 2015. Volksgezondheid Instituut Curaçao, Willemstad.

Verstraeten S., Griffith- Lendering, M.F.H, & Pin R. (2017). De nationale gezondheidsenquête Curaçao 2017: de belangrijkste resultaten, methode en tabellen, Volksgezondheid Instituut Curaçao, Willemstad.

Volksgezondheidenzorg.info (2017). Konsultá via https://www.volksgezondheidenzorg.info/onderwerp/letsels/cijfers-context/letsels-algemeen#definitie--node-verkeersongevallen, RIVM: Bilthoven, 7 januari 2018.