Den e 12 lunanan promé ku e entrevista, sinku porshento (5%) di hende na Kòrsou tabatin mester di kuido médiko debí na un aksidente di tráfiko, na kas, den nan tempu liber òf na trabou. Di nan, 1% mester a bai hospital òf un otro instituto di kuido médiko debí na e aksidente.

Si tuma Karibe den su totalidat, e kantidat di persona ku ta muri komo konsekuensia di leshon na Kòrsou ta nèt un tiki bou di promedio. E sifra di mortalidat promedio den Karibe ta 56,5 pa kada 100.000 persona. Na Kòrsou, e sifra di mortalidat na 2007 tabata 53,9 pa kada 100.000 persona.